Irungo zortzi ikastetxe Eskola Agenda 2030 lantzen hasi dira
Eguzkitza, Hirubide, Mendibil, Pio Baroja, Plaiaundi, Txingudi Ikastola, Txingudi Institutua eta Toki Alaiko ikasleek udalerriaren diagnostiko bat egingo dute.
Gaurko saioan, Hirubide, Toki Alai eta Ingurumena errespetatzea, klima aldaketaren aurka borrokatzea eta ardura handiagoz kontsumitzea da ikasturteko lehenengo hiruhileko honetarako ere Eskola Agenda 2030-k duen helburu nagusia. Iaz lehorreko ekosistemetako bizitza landu bazuten, aurtengo gaia “Soroak, larreak eta itsukeria begetala” izango dela aurreratu du Borja Olazabal ordezkariak. Hala, hiriko zortzi ikastetxetako ikasleek parkeetara eta belardietara hurbiltzeko proposamen bat jasoko dute aurki (hiriko azpiegitura berdea eta ondoko soroak aztertuko dituzte), udalerrian diagnostiko bat egiteko helburuarekin. LH, DBH, Batxilergo eta Lanbide Heziketako ikasleek parte hartuko dute, eta dagoeneko hasi dira lanean.
“Eskola Agenda berria ibilbide bat egiteko aprobetxatuko dugu, Nazio Batuen garapen jasangarrirako 17 helburuak aztertze aldera. GJH (Garapen Jasangarrirako Helburuak) ere esaten zaie, eta udalean ildo horretan sakontzen ari gara, gure hirian aplikatzeko. Eskola Agenda gazteekin gai horiek lantzeko daukagun programa garrantzitsuenetako bat da. Emaitzak beti positiboak dira, eta haien ikuspegia oso baliagarria da, guztion artean planeta jasangarriago bat izan dezagun laguntzeko”, erantsi du Olazabalek.
Honako ikastetxeek parte hartuko dute: Eguzkitza, Hirubide, Mendibil, Pio Baroja,
Plaiaundi, Txingudi Ikastola, Txingudi Institutua eta Toki Alai.
