Bi puntuak etxean geratu dira
Partida biribila jokatu zuen atzo Bidasoak Incarlopsa Cuenca taldearen kontra. Errekor ugari hautsi zituzten etxekoek gainera.
Erraz menderatu zuen atzo Bidasoa eskubaloi taldeak Incarlopsa Cuenca taldea etxean. 38-32 irabazi zioten Artalekun, errekorrez betetako neurketa batean.
Hasieratik partida etxekoen aldekoa izan zen. Jon Azkue oriotarrak ezarri zuen bereziki bidasoarren aldeko abantaila, 11. minutuan jada hiru goleko abantaila eskuratu zuten etxekoek. Dena den, atsedenaldira markagailua berdinduarekin iritsi ziren bi taldeak. Bigarren zatian ordea errenta handitu zuen Bidasoak, erraz, amaierako 38-32a ezarriz.
Asobal ligan inoiz sartutako gol gehienen marka berdindu zuen atzo etxeko taldeak: 38 gol eskuratutako azken partida 1994-1995. denboraldian izan zen, Elgorriaga Bidasoa eta Octavio Pilotes Posadaren arteko neurketan. Gainera, bi marka pertsonal ere utzi zituen atzokoak: Victor Rodriguezek bere ibilbideko 400. gola sartu zuen atzokoan, eta Kauldi Odriozolak aldiz, 500.a.
Atzoko garaipen honekin ligako bigarren postuan jarraitzen du Bidasoak, 15 punturekin.
Hurrengo partida larunbatean izango da, Fraikin BM. Granollersen aurka (12:00etan).
Fitxa teknikoa
Bidasoa Irun (17+21). Sierra, Odriozola (3), Aginagalde (2), Salinas (4), Azkue (7), Garcia (7), Rodriguez (5); Ledo (1), Cavero (5), Ugarte, Zabala (1), Furundarena, Mujika, Renaud-David (2), Tesoriere, Fernández (1).