Hilaren 27an izango da emanaldia, eguerdian. Dantza emanaldiak, sortzailearen arabera, "gure lehen mugimendu naturala bilatzen du".
Agustin Alzaga Martinez dantzari irundarrak Fetopia izeneko dantza pieza taularatuko du hilaren 27an (larunbata da) etxean, CBA kultur gunean hain zuzen. Emanaldia 12:00etan hasiko da.
Fetopia lanak, sortzailearen arabera, “gure lehen mugimendu naturala bilatzen du. Zer da mugitzen gaituena? Nola garatu gara?”. Gorputzaren mutur eta mugimendua dira piezaren helburua, “non burmuinak ez duen parte hartzen”.
6 urterekin hasi zuen bere ibilbidea Irungo Musika eta Dantza Kontserbatorioan, Sonia Del Barrioren eskutik. 16 urterekin Burgosen dantza ikasketak jarraitu zituen, eta ondoren Dantzaz konpainian profesional gisa aritu da. 23 urterekin Italiatik deitu zioten, Balleto Teatro di Torino konpainian lan egiteko. Handik bi urtera Euskal Herrira itzuli zen. Egun, bere sorkuntza eta ikermen proiektu propio ugaritan dabil lanean.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
