Iazko prozesuan ateratako ondorioak aurkeztuko ditu ZiztaKAk larunbatean
Euskararen erabilera eta transmisioa bermatzeko asmoa duen egitasmo honek hirugarren forora deitu ditu herritarrak, ikasturteko lehena.
Ziztaka egitasmoaren foroa. Iaz herritar talde batek ZiztaKA egitasmoa abiatu zuen, Irunen euskarari arnasgune bat bilatzeko asmoz, finean, “erabilera eta transmisioa bermatzeko”. Bada, orain, iazko prozesuak agerian utzitako ondorio horiek plazaratzeko foro bat antolatu dute larunbaterako (hilak 6). “Iaz lez, zuen bide laguntza eta zeuen babesa ezinbestekoa izango da proiektuaren ongizaterako”, esan dute ZiztaKAko kideek.
Ondorioez gain, aurtengo plangintza ere aurkeztuko dute larunbateko saioan, eta ekarpenak ere jaso nahi dituzte. Aurreratu dutenez, aurtengoan kultur ekitaldiak nagusituko dira, eta euskara eta euskal komunitatea izango dute mintzagai urte osoan zehar.
Saioa Palmera Monterok jasoko du, irekia izango da. 11:00etan emango diote hasiera.
