Normaltasunera itzuliko da aurtengo Domu Santu Eguna
Ez da azken hilabeteetan ezarritako murrizketarik egongo, baina musukoa eraman beharko dute herritarrek, segurtasun distantzia bermatzen ez denean erabiltzeko.
Blaia kanposantua. Datorren asteleheneko (azaroak 1) Domu Santu Eguna normaltasunera itzuliko dela jakinarazi du udalak, ez baita azken hilabeteetan ezarritako murrizketarik egongo. Hori bai, musukoa eraman beharko dute herritarrek soinean, aire zabalean pertsonen arteko segurtasun distantzia ezin bada mantendu erabili beharko baita. Hilerria 8:00etatik 20:00etara zabalduko dute.
Urtero bezala, asteburuan eta astelehenean ere trafiko aldaketak izango dira Blaia udal hilerri inguruan. Hala, trafikoaren egoeraren arabera, ibilgailuak sartzea eragotzik da, partzialki edo osorik.
Astelehenean berriz, erabat etengo dute Blaia ibilbideko trafikoa, 8:00etatik 19:00etara. eta ibilgailuek GI-363 errepidetik, Arenas Carrilloko bidegurutzetik edo Teodoro Murua kaletik izango dute sarbidea.
Trafikoa aldaketak direla eta, autobus zerbitzu berezia eskainiko du IrunBusek. Hiri barruko hiru lineaz gain, zerbitzu berezi bat jarriko dute, hiriko kale nagusietan barrena hilerria eta Gurutze Gorriaren zentroa lotuko dituena. Txartelak 1,50 euro balioko du, eta udalak aurreratu du ezingo dela erabili Lurraldebus edo MUGI txartelik. Zerbitzu honen gaineko informazio gehiago, lotura honetan kontsulta daiteke.
