Lehen garaipena eskuratu du Bidasoak EHF European Leaguen
Pfadi Winterthur talde suitzarra menderatu zuten atzo Artalekun, 32-28. Ligaxkan eskuratzen dituzten lehen bi puntuak dira.
Argazkia: Edu Agreda. EHF European Leagueko ligaxkako lehen puntuak eskuratu zituen atzo Bidasoa eskubaloi taldeak, Pfadi Winterthur talde suitzarra menderatzea lortu baitzuen atzo Artalekun, 32-28.
Hasieran partida nahiko berdindua izan zen, baina defentsan egindako lan onari esker, markagailuan aurrera egitea lortu zuten pixkanaka, atsedenaldira sei goleko abantailarekin iritsi ziren. Dena den bigarren zatian alde hori txikitzea lortu zuten suitzarrek, baina ez zuten garaipena arriskuan ikusi bidasoarrek. Amaierara arte tinko eutsi zioten.
Hurrengo partida Asobal ligan izango du Bidasoak, larunbatean, Angel Ximenez Puente Genilen aurka (etxetik kanpo).
Fitxa teknikoa: Ledo, Odriozola (4), Salinas (1), Azkue (6), Tesoriere, Francisco da Silva, Garcia; Sierra, Cavero (6, 1 p.), Ugarte (4), Zabala (1), Furundarena (2), Aginagalde (5), Renaud-David, Rodriguez (1) eta Fernandez (2).
