Bihar jokatu dute Hondarribia Grand Slam sariaren finala
Arbe-Lopez eta Erkiaga-Etxeto bikoteek indarrak neurtuko dituzte bihar Jostaldin; zeintzuk diren torneoko zestalari onenak erabakiko dute norgehiagokan.
Hondarribia Grand Slam finalera iritsiko da bihar.
Irailaren 17an hasitako Hondarribia Grand Slam saria finalera iritsiko da bihar. Lau jardunaldietan erabaki dituzte azken norgehiagokan ariko diren puntistak, eta bihar jakingo dute pilotazaleek zein den bikote irabazlea. 20:00etan hasiko da partida, Jostaldi pilotalekuan, eta 22:00etatik aurrera ikusteko aukera egongo da ETB1en.
Lehenik eta behin, Goitia-del Rio eta Basterra-Zabala bikoteen arteko lagunarteko partidarekin zabalduko dute biharko saioa. Ondoren, Arbe-Lopez eta Erkiaga-Etxeto bikote finalistek indarrak neurtuko dituzte Hondarribiko sariko txapela janzteko itxaropenarekin. Torneoa Jai Alai World Tour txapelketarako puntuagarria da. Rumblinglips bakarlariak girotuko du finala.
