Amute-Kostako jaiak ospatuko dituzte ostiraletik igandera bitartean
Osasun larrialdi egoera bihartik aurrera bertan behera geratu arren, pandemiari egokitutako jaiak izango dira aurtengoak berriz ere.
Amute-Kosta auzoko jaiak ospatuko dituzte ostiraletik igandera bitartean, auzo elkarteak jakinarazi duenez. Iragan astean egin zuen bizilagun elkarteak jaiak antolatzeko bilera, eta ondokoa da ezagutarazitako egitaraua:
Ostirala
- 17:00. Balkoi eta leiho apainketaren lehiaketaren hasiera. Asteburuan zehar apaindutako leihoak baloratuko ditu epaimahaiak.
- 18:00. Altxorraren bila.
- 20:00. Mozorro, anime eta maskara apainduen lehiaketak.
Larunbata
- 11:00. Kroketa lehiaketa Anttoni plazan.
- 12:00. Anttoni plazaren inaugurazioa.
- 16:00. Fornite txapelketa.
- 18:00. Argazki lehiaketa.
Igandea
- 11:00. Ibilbide historikoa auzoan zehar.
- 12:30. Auzobide plaka.
- 17:00. Balkoi eta leiho apainduen lehiaketaren sari banaketa.
- 18:00. Bingo lehiaketa.
- 19:00. Jaietako zozketa.
