Donostiako manifestaziora deitu dute Txingudiko pentsiodunek
12:00etan hasiko dute ostiraleko mobilizazioa, Donostiako bulebarretik. Irundik topoz joateko hitzordua jarri dute.
![](https://bidasoa.hitza.eus/site/files/2021/06/47448139692_e8087cee11_o.jpg)
Datorren ostiralean (urriak 1) Donostiako bulebarretik abiatuko den manifestaziora deitu dituzte eskualdeko herritarrak Txingudiko Pentsiodunen Mugimenduko kideek. 12:00etan hasiko dute mobilizazioa.
Asteleheneko deialdia Gipuzkoako pentsiodunen elkarte eta plataformetako koordinatzaileek egin dute, “adinekoentzat bizimodu duina bermatu behar dela” aldarrikatzeko. Irundik lagun talde bat joango da (Euskotrenen). 10:45an jarri dute hitzordua Kolon pasealekuko geltokian.