Portuko aparkalekuetako "modifikazioa" argitzeko eskatu dio PSEk udal gobernuari
Margotzen ari diren marra berdeak "egoiliarrentzako" ote diren galdegin dute sozialistek; ostalari eta komertzianteak "ezustean" harrapatu dituela neurriak erantsi dute.
Marra berdeak margotu dituzte Portuko aparkalekuetan.
Hondarribiko PSE-EEren udal taldeak Portuko aparkalekuetako “modifikazioa” argi dezan galdegin dio ohar baten bidez EAJren gobernu taldeari. Aparkalekuetan marra berdeak margotzen ari direla zehaztu dute sozialistek, eta “egoiliarrentzat” ote diren argitzeko eskatu dute. Udal taldeko kideek erantsi dutenez, “gaur goizean zehar ostalari eta komertzianteen deiak” jaso dituzte gaiaren inguruan argibideak eskatuz, neurri berriak “ezustean” harrapatu baititu. Hala, egoera argitzeko eskatu dio PSE-EEk jeltzaleen udal taldeari.
