Goikoetxea-Aimar eta Beaskoetxea-Zabala bikoteak dira lehen irabazleak
Hondarribia Grand Slam toneoaren lehen jardunaldia jokatu zuten ostiralean Jostaldi pilotalekuan. Urriaren 15era arte luzatuko da txapelketa.
Ostiralean jokatu zuten Hondarriibia Grand Slam sariko lehen jardunaldia.
Hasi da Hondarribia Grand Slam txapelketa. Goikoetxea-Aimar bikotea Erkiaga-Etxetoren aurka lehiatu zen lehen partidan, eta Arbe-Lopez eta Beaskoetxea-Zabala bigarrenean. Lehia handiko zesta-punta partidak izan ziren biak, eta azkenean, Goikoetxea-Aimar eta Beaskoetxea-Zabala puntistak gailendu ziren. Jai Alai Worl Tour txapelketarako puntuagarria da Hondarribiko torneoa.
Lehen lehiari dagokionez, 2-0 gailendu zen Goikoetxea-Aimar bikotea. Partida berdinduta hasi zen arren, irabazleak aurreratu ziren markagailuan hasieran. Erkiaga-Etxeto zestalariek, hala ere, maila igo eta aurrea hartzea lortu zuten. Bigarren denboran Goikoetxea-Aimar bikoteak egoera kontrolatu zuen, eta azkenean, berdinketa hausteko beste set bat jokatu behar izan zuteen.
Arbe-Lopez eta Beaskoetxea-Zabala bikoteen arteko lehian bestalde, lehenak ziren faboritoak, nahiz eta berdinduta hasi zuten partida. Hala eta guztiz ere, aurreikuspenak irauli eta Beaskoetxea-Zabalak kontrolatu hartu zuten 55. minutuan partida irabaziz. 13-15 eta 6-15 markagailuekin gailendu ziren irabazleak.
Datorren ostiralean (hilak 24) Goikoetxea-Aimar eta Olharan-Del Rio lehiatuko dira, 20:00etan, eta Arbe-Lopez eta Hormaetxea-Manci, 21:00etan.
