Hiriko kiroldegiak, ikasturte berrirako prest
Urte amaierara bitarte 250 ikastaro eta 2.155 toki eskainiko dituzte Artaleku eta Azken Portu kiroldegietan, askotarikoak.
Azken Portu eta Artaleku kiroldegiek dagoeneko prest dute urria, azaroa eta abendurako ikastaroen eskaintza. Azken hilabeteetan bezalaxe, neurri bereziak hartuko dituzte. Edukiera mugatuko dute, eta horretarako helduentzako aretoko jarduerek 45 minutuko iraupena izango dute.
Orotara, 119 ikastaro eta 1.044 toki eskainiko ditu Artalekuk, eta Azken Portuk berriz, 131 ikastaro eta 1.111 toki. Proposamenak igerilekuko eta aretoko betiko ikastaroak izango dira, ondorengoak: zumba, tonifikazioa, aerobic, pilates, wellness, cycling… ikastaroak, bizkarra osasuntsu mantentzekoak, ariketa abdominal hipopresiboak egitekoak eta abar. Guztira, 250 ikastaro eta 2.155 toki egongo dira.
Izen emateei dagokionez, iaz ez bezala ez da izango aldez aurretik apuntatzeko eperik, ezta ere hartu beharreko hitzordurik. Zuzenean eman beharko dute izena interesdunek, hilaren 9ko 08:00etatik hilaren 15era bitartean abonatuek, eta hilaren 16an abonatu ez direnek, esteka honetan.
