Hondarribiko II. Argazki Rallya egingo dute igandean
Ttopara Kultur Elkarteak eta Hondarribiko Udalak antolatu dute jarduera; izen emateak Internet bidez edo egunean bertan egin daitezke.
Hondarribiko II. Argazki Rallya antolatu dute Hondarribiko Udalak eta Ttopara Kultur Elkarteak hilaren 25erako, igandearekin. Izena emateko interesa duten lagunek Internet bidez [soilik gazteleraz] edota egunean bertan Kasino Zaharreko lorategietan, 09:00ak eta 10:00ak artean egin dezakete. Inskripzioak 10 euroko kostua du, 16 urtez azpikoentzat izan ezik, 5 eurokoa izango dela.
Herriko txoko ezberdinak kamerarekin harrapatzeko deia luzatu diete antolatzaileek herritarrei. Bost gai proposatuko zaizkie parte hartzaileei, eta horien inguruko 36 argazki aurkeztu ahal izango dituzte guztira. Hiru bilduma onenak, tokiko argazkilaririk onena eta eta gazte argazkilaririk onena sarituko dituzte.
