Santiago zubi inguruko merkatariak haserre, "egunez zein gauez jasaten dugun babesgabetasunagatik"
Bertako dendariek salatu dute "legeak debekatutako eta osasunarentzako kaltegarriak diren sustantzia nozioen merkatuan dabiltzan pertsona ugari" aritzen direla inguruan.
Irudia: Google Maps. Irungo Santiago zubi inguruko merkatariak haserre eta kezkati agertu dira, “egunez zein gauez jasaten dugun babesgabetasunagatik”. Agerraldia eskaini zuten atzo zenbait dendarik.
“Urte asko daramatzagu, agian mugako pasabide izateagatik edo ezezagunak diren bestelako arrazoiengatik da, baina legeak debekatutako eta osasunarentzako kaltegarriak diren sustantzia nozioen merkatuan dabiltzan pertsona ugari aritzen dira inguru honetan”, esan zuten atzokoan.
Aipatutako lagun horien artean “liskarrak” sortu ohi izan direla ere salatu dute, eta egoera honek bezeroak uxatzen dituela.
Era berean, Santiagoko skate parkearen egoerarekin ere kezkati agertu dira. Izan ere, bertan “istiluak, drogak, eztabaidak eta eszena desatseginak” izan ohi direla diote, eta hiriak duen arazo gisa aitortu eta egoera horren aurrean erantzuteko eskatu die Udaltzaingoari, hiriko puntu zehatz bateko arazo bat baino, hiriaren arazo bat balitz bezala erantzun diezaietela.
