Errealitate areagotua, errealitate birtuala eta adimen artifiziala ardatz dituen 'Women flowing with tech' izenpeko ikastaroa abiatuko du irailean Bidasoko garapen agentziak.
Bidasoa Bizirik-en ‘Women flowing with tech’ ikastaroaren aurkezpena.
Women flowing with tech izeneko ikastaroa abiatuko du irailean Bidasoa Bizirik garapen agentziak. Emakumeei zuzendutako formazioa izango da, eta errealitate birtuala, errealitate areagotua eta eta adimen artifiziala izango ditu oinarri. Irungo Leinner’s Flow enpresa gazteak ere parte hartuko du ikastaroan.
Zabaldutako informazioaren arabera, emakumeak tankera honetako teknologietan “sartzera” animatzea da helburua, “haien interesa pizteko” eta “sektore honetan modu espezializatuago batean prestatzen jarraitzeko”. Hala, sortzen ari diren teknologia berrien gainean emakumeak “heztea” eta “sentsibilizatzea” bilatzen du formazioak, “sektorean dagoen genero arrakala murrizteko eta enplegu aukera berriak sustatzeko”.
Ikastaroari dagokionez, parte hartzaileekin interakzioa bultzatuko dela zehaztu dute antoltzaileek: “Modulu batetik bestera pasatzeko ikasleek hainbat proba egin beharko dituzte”. 20 orduko formazioa izango da, irailaren 16an hasi eta urriaren 15era bitartean.
Ikastaroan izena eman nahi dutenek Bidasoa Bizirik-en webgunean egin dezakete aurrematrikulazioa. Informazio gehiagorako, bestalde, 943 50 96 00 telefono zenbakira edo ondoko posta elektronikora jo dezakete interesdunek.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Hiriko euskarazko komunitatearen parte izan nahi dudalako. Bidasoak eta bidasoarrok behar dugulako.
