Udako ordutegia izango dute kiroldegiek asteburuetan
Asteburuko ordutegi berriaz gain, udalak aurreratu du hilaren 28 eta 29an jaieguneko ordutegiarekin zabalduko dituztela. Hilaren 30an eta uztailaren 1an aldiz, itxita egongo dira.
Artaleku kiroldegiko igerilekua. Adi egon daitezela irundarrak, udalak jakinarazi baitu Azken Portu eta Artalekuko kiroldegiek ordutegi berria izango dutela udako asteburuetan. Horrez gain, aurreratu dute San Pedro eta San Martzial egunetan (hilak 28 eta 29 hain zuzen ere) kiroldegiek jaiegunetako ordutegia izango dutela, hau da, 9:00etatik 14:00etara. Hilaren 30an eta uztailaren 1an aldiz, itxita egongo dira.
Ondorengoak dira bi kiroldegien udako asteburuetako ordutegiak: Azken Portu (ekainean, 19-20ko asteburutik aurrera) larunbatetan 8:00etatik 20:00etara eta igandeetan 9:00etatik 14:00etara erabil daiteke; uztailean aldiz, larunbatetan 8:00etatik 20:00etara eta igandeetan 9:00etatik 14:00etara eta abuztuan larunbatetan 8:00etatik 15:00etara eta igandeetan itxita. Irailaren 12ra bitarte berriz, larunbatetan 9:00etatik 14:00etara eta igandeetan 9:00etatik 14:00etara erabili ahalko da.
