'Hackerrak' umorezko antzezlana taularatuko du Nomofobikak konpainiak bihar

"Robotika, adimen artifiziala, datuen lapurreta masiboa, 'cookie'-ak, algoritmoak..." umore klabean jorratuko ditu antzerki taldeak Kasino Zaharrean.

Nomofobikak konpainiaren 'Hackerrak' antzezlanaren kartela.

Nomofobikak-ek ‘Hackerrak’ antzezlanaren kartela.

Nomofobikak antzerki konpainiak Hackerrak umorezko antzezlana Kasino Zaharreko oholtza gainera eramango du bihar, ostiralarekin, 19:00etan. Iaz estreinatu zuen taldeak proiektua, eta “robotika, adimen artifiziala, datuen lapurreta masiboa, cookie-ak, algoritmoak…” umore klabean jorratuko dituzte modu horretan.

Sinopsiaren arabera, “gure harremanak egunetik egunera aldatuz doaz: gure lana robotizatzen hasi dira, GAFA (Google, Apple, Facebook eta Amazon) bezalako plataformek komertzio txikia ordezkatu nahi dute. Iraultza baten hasieran gaude: laugarren industria iraultza. Gizateriak inoiz bizi ez duen hori, abiada bizian dator orain”.

Sarrerak 2 euroan salgai daude ohiko bideetan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.