Carlos Las Herasen koadro batzuk jaso ditu udalak dohaintzan
Mihise gainean margotutako zazpi olio dira, eta Irungo paisaiak agertzen dira, 1997 eta 2006 artean margotutakoak. Haren alargunak eman dizkio udalari.
Carlos Las Herasen zazpi koadro jaso ditu dohaintzan udalak. Irungo Udalak Carlos Las Herasen (1936-2011) koadro batzuk jaso ditu dohaintzan. Guztira, mihise gaineko 7 olio diora, 1997tik 2006ra margotuak, eta hiriko paisaiak agertzen dira. Koadroak Las Herasen alargun Asuncion Rodriguezen eskutik jaso ditu udalak.
Jose Antonio Santano alkateak eskerrak eman dizkio Rodriguezi, “lehendik ere balio handia duen udal pinakoteka aberastuko baitu”. Santanok gogorarazi duenez, koadroak hiriari oso lotutakoak dira, eta dohaintzari esker, Las Herasen funtsak zabalduko dira. Lehendik ere bazituen artistaren obra batzuk udalak.
Zehazki zazpi obrak hauek dira: Irungo paisaia (1997), Irungo Urdanibia plaza (1999), Plaiaunditik (2001), Pagadia neguan (2001), Pagadia udazkenean (2005), Pagadia udaberrian (2006) eta Pagadia udan (2006).
Las Heras Decazevillen jaio zen (Frantzia) 1936an. Gaspar Iturriozen eta Ana Izuraren ikaslea izan zen, eta batarekin zein bestearekin marrazketa eta grabatuak egiten ikasi zuen. Lana eta bere zaletasun nagusia zen pintura uztartu zituen, eta bizitzaren azken urteetan intentsitate handiagoz aritu zen. Bere obra paisajistikoa da, eta Irun, Hondarribia eta Baztango paisaiak margotu zituen, bai landakoak zein hirikoak.
2008an udalak erakusketa bat eskaini zion Amaia KZn, eta dohaintzan emandako koadro batzuk han izan ziren ikusgai.
