Unicef-en Ikastetxe Lagunen Sarearekin bat egin du Egiluzek
EAEko Unicefeko batzordeko kideek ikastetxea bisitatu dute gaur goizean; Hondarribian sarearen parte den lehenengo ikastetxea izatea txalotu dute GKEko kideek.
Egiluze ikastetxea sarearen parte izango da aurrerantzean. 
Unicef gobernuz kanpoko erakundearen (GKE) Ikastetxe Lagunen Sarearen parte izatera igaro da Egiluze Gurutzearen Alabak hezkuntza zentroa. Hala jakinarazi dute Egiluze ikastetxeko arduradunek Euskal Autonomia Erkidegoko (EAE) sareko ordezkarien bisita jaso ondotik. Gainera, nabarmendu dutenez, sarearekin bat egiten duen Hondarribiko lehen ikastetxea da Egiluze.
“Gizaki perspektibatik ume guztiak zoriontsuak izan daitezen konpromisoa eta baloreak” lantzea ezinbestekoa dela nabarmendu ditu Monika Erauskin bigarren hezkuntzako pedagogia zuzendariak. Haur eta Lehen Hezkuntzako pedagogia arduradun Leyre Jimenezek bere aldetik adierazi duenez, “txikitatik hezkuntza emozionala eta soziala lantzearen ondorioz pertsona sentsible, arduratsu eta solidarioak formatzea ahalbidetzen du iniziatibak”.
Zazbaldutako informazioaren arabera, “haur eta nerabeen hezkuntza eskubideen” alde egiteko aukera da Unicef-en iniziatiba. Dagoeneko hamahiru dira sarearekin bat egin duten ikastetxeak EAEn.
