Zabaltza plazak oinezkoentzako gune gehiago ditu gaurtik
Joan den azaroan abiatutako proiektuari esker, plataforma bakar baten bidez eraikinetako fatxadaraino zabaldu dute plaza, eta Zuberoa kalearen hasierak ere konfigurazio berria du. Guzti hori «oinezkoentzako espazio gehiago sortzeko eta irisgarritasuna errazteko» egin dutela azaldu du alkateak.
Dagoeneko amaitu dituzte Zabaltza plaza eta Zuberoa kaletik hurbilen dagoen zatia berrurbanizatzeko lanak. Gaur bertan bisitatu dute ingurua Jose Antonio Santano alkateak eta Cristina Laborda Obra saileko ordezkariak.
Joan den azaroan abiatutako proiektuari esker, plataforma bakar baten bidez eraikinetako fatxadaraino zabaldu dute plaza, eta Zuberoa kalearen hasierak ere konfigurazio berria du. Guzti hori, «oinezkoentzako espazio gehiago sortzeko eta irisgarritasuna errazteko» egin dutela azaldu du alkateak.
«Oinezkoentzat gero eta toki gehiago sortzen ari dira hiriak. Horren adibide dira lan horiek; izan ere, Zabaltza inguruan bukatu ondoren, zintarriak kendu eta plataforma bakarra sortuko dugu, plaza eraikinen fatxadaraino handitzeko. Zirkulazioa egongo den arren, antolamendu berriak bidea desagerrarazten du, orain ezagutzen dugun bezala, eta oinezkoei protagonismo handiagoa ematen die, eta lehentasuna ere bai oinez doazenei. Irtenbide jasangarria, erdigunean bertan ingurune atseginago bat sortzeko », esan du gaurko bisitan Santanok.
Lanei dagokionez, Zuberoa kaleko behealdean egin dituzte lanak, Policarpo Balzola kaleko bidegurutzeraino. Bertan, eskuineko aldean (beheranzko noranzkoan) aparkatzeko zerrenda kendu dute, eta aske geratu den espazioa birgaitu eta espaloi zabalagoak egin dituzte galtzadaren bi aldeetan. Hortaz, egungo konfigurazioa ibilgailuentzako noranzko bakarreko errei bat da, eta ezkerreko aldean (beheko noranzkoan) linean aparkatzeko zerrenda bat.
Honekin batera, zerbitzu azpiegitura ugari berritu dituzte, hala nola, saneamendua, hornidura, udal komunikazioak edo argiteria.
