Irungo zazpi establezimenduk bat egin dute Eskola Bidea egitasmoarekin
Ikasleak klasera modu seguru eta eraginkorrean joateko programa indartzea erabaki dute aurten eta hiriko saltokiekin lanketa berezia egiten ari dira, ikasleek arazorik balute, denda horietara jo dezaten.
Mugikortasun saileko ordezkari Borja Olazabalek jakinarazi duenez, Eskola Bidea egitasmoa goraka doa; dagoeneko hiriko zazpi establezimenduk izena eman dute. Guztiek dagoeneko programaren bereizgarria jaso dute, eta dagoeneko erakusleihoan itsatsita ikus daitezke.
Egitasmoa eskolara joateko ibilbiderik seguruenaren planifikazioan datza. Udalaren eta eskola komunitatearen elkarlanaren fruitua da. Honi esker, eskolarako ibilbidean barrena topagune jakin batzuetan haur taldeak osatu, eta gero eta talde handiagoa eratzen dute.
Olazabalek gogoratu duenez, ikasleak klasera modu seguru eta eraginkorrean joateko programa indartzea erabaki dute aurten eta hiriko saltokiekin lanketa berezia egin nahi dute, ikasleek arazorik balute, denda horietara jo dezaten.
Aipatutako zazpi denda horiek ikasleak eskolara sartzen diren orduan (08:30-09:00 bitartean) zabalik daudenak dira.
