Gizon bat atxilotu dute, migranteei Irun eta Hendaiaren arteko muga pasatzen laguntzeagatik
Poliziaren arabera, 280 lagun inguru lagundu ditu atxilotutakoak, «ilegalki». Bere autoan eramaten zituen, Santiago zein Behobiako zubietatik.
Behobiako pasabide igaro dute herritar askok. EFE agentziaren arabera, gizon bat atxilotu berri dute Hendaian, 280 lagun baino gehiagori Irun eta Hendaiaren arteko muga «ilegalki» pasatzen laguntzeagatik. Polizia Nazionalaren eta Frantziako Poliziaren arteko elkarlanaren emaitza izan da atxiloketa.
Poliziaren arabera, Irunen bizi den lagun bat da atxilotutakoa, eta Afrikatik iritsitako migranteak autoan jaso eta Hendaian uzten zituen.
Irungo Udaltzaingoak bidaia horietako batean identifikatu zuen gizona. Harekin batera, sei lagun zeuden kotxean.
Atxilotutakoa Frantziako epaitegien esku utzi dute, eta urtebeteko askatasun gabetzera kondenatu dute. Horrez gain, hiru urtez ezingo du Frantzia zapaldu. Egun, Baionako espetxean dago.
