Euskal Herriko Unesco Sareak zazpigarren Topaketa egingo du bihar Gordailuan
Unesco eremuko euskal erakundeen sarearen zazpigarren topaketa jasoko du Irungo Gordailuak. 10:00etan hasiko dute saioa.
Euskal Herriko Unesco Sareak (Unesco eremuko euskal erakundeen sareak) bere zazpigarren topaketa egingo du bihar, Irunen. Gordailuak jasoko du topaketa, 10:00etatik aurrera.
Topaketa horretan honako partaideek hartuko dute parte: Gipuzkoako Foru Aldundiko Kultura, Gazteria eta Kirol diputatu Harkaitz Millan, Gordailuaren zuzendaria eta Gipuzkoako foru museoen arduradun Carlos Olaetxea, Unesco Etxeko lehendakari Nieves Fernandez, Nazio Batuen Eskubide Ekonomiko, Sozial eta Kulturalen Batzordeko aurrerabide zientifikoan parte hartzeko eskubidearen kontalari Mikel Mancisidor eta EHUS sareko kide guztien ordezkariak.
