100eko tasa baino gutxiago izan arte, publikorik ez kirol partidetan
Bingen Zupiria Eusko Jaurlaritzako eledunak esan du kirol partidetan publikoa egon dadin 100.000 biztanleko tasak 100dik beherakoa izan behar duela.
Zaleak igoera ospatzen Atzotik bolo-bolo dabil hedabideetan eta jendartean kirol partidetara publikoa joatearen aukera. Espainiako Estatuko hainbat tokitan, mugekin, baina baimendu egin dute publikoaren sarrera kirol ekitaldietan. Horren harira, Bingen Zupiria Eusko Jaurlaritzako bozeramaileak honakoa esan du: “Gaur-gaurkoz Euskadin ez dira betetzen baldintzak kirol ikuskizunetan, profesionalak izan edo ez izan, publikoa sartzeko”.
Zupiriak zehaztu du, Jaurlaritzaren Bizi Berri III planaren arabera (koronabirusak eragindako osasun larrialdi egoera kudeatzeko plana da), Gipuzkoa, Araba eta Bizkaiko 100.000 biztanleko tasa 100dik beherakoa denean baimenduko dela publikoa kirol instalazioetara eta kirol ekitaldietara ikusle bezala joatea.
