Kolon, igandean, autoentzako erabilgarri
Igande honetan ez dute trafikoa moztuko, ez da oinezkoentzako eta bizikletentzako erabilgarri egongo. Artalekun txertaketa masiboak egingo dituzte, eta bertaratu behar direnei sarbidea erraztu nahi diete neurri honekin.
Azken asteetan ez bezalaxe, igandean ez dute trafikoa moztuko. Irungo Udalak jakinarazi duenez, igande honetan (maiatzak 2), Kolon pasealekuaren erdialdean ez dute autoen zirkulazioa etengo. Ingurua oinezko eta txirrindularientzako erabilgarri jartzeko ohiko egitasmoa bertan behera uztea erabaki baitute, Artaleku kiroldegian adinekoak txertatuko dituztelako.
Udaletik diotenez, erraztasunak eman nahi dizkiete kiroldegira autoz jan behar duten adineko horiei, eta Kolon ibilbidetik Pikoketa kalean barrena joateko aukera eman nahi diete.
