Ehundik gora lagun isundu dituzte azken zazpi egunetan
Azken aste honetan nabarmenki gora egin dute isunek. 107 isun espediente zabaldu ditu Udaltzaingoak Irunen.
![Irungo Udaltzaingoa](https://bidasoa.hitza.eus/site/files/2020/08/irun-udaltzaingoa.jpg)
Azken zazpi egunetan isunek gora egin dute nabarmen Irunen. Hilaren 12tik 18ra bitarte, Udaltzaingoak 107 isun espediente zabaldu ditu hirian, COVID-19aren pandemiari aurre egiteko erakundeek hartutako neurriak ez errespetatzeagatik.
Horietatik gehienak (93 zehazki) zirkulazio askatasuna, ordutegia edo gehienezko talde kopuruak ez bermatzeagatik izan dira; zazpi lagun isundu dituzte musukoa ez eramateagatik; hiru ostalaritzako edota joko aretoetako ordutegia ez errespetatzeagatik; azkenik, hiru akta zabaldu dituzte, etxebizitzetan bizilagunei gauean traba egiteagatik.