Hondarribia eta Irun COVID-19ari aurre egiteko neurri berrietatik urrun daude momentuz
Labiren mahai politikoak gaur arratsaldean erabaki dezake 400dik gorako tasa duten udalerrietan neurri murriztaile gehiago ezartzea.
Labiren bilera bateko artxiboko irudia. Argazkia: Irekia. Labiren batzorde teknikoak atzo hainbat neurri berri proposatu zituen COVID-19ari aurre egiteko. Horien artean daude 100.000 biztanleko tasa 400dik gora duten udalerriak (edo herrialdeak) ixtea, eta horietan ostalaritza jarduerak mugatzea. Gune horietako barrualdeak ixtea, eta gosaritarako edo bazkaritarako soilik irekitzea litzateke ostalaritzarako proposamena (06:30etik 09:30era goizez, eta 13:00etatik 16:30era arratsaldez). Aterpeko kirol jardueretan ere eragina izango lukete neurri neurriek.
Gaur, Labiren mahai politikoak 16:30ean egingo duen batzarrean proposamen horiek aztertuko ditu. Ziurrenik, joan-etorriak mugatzera eta ordutegiak murriztera joko dute, hau da, batzorde teknikoaren proposamenak onartu dituzte. Aste Santu aurretik aplika daitezke neurri horiek.
Bidasoko udalerriei dagokienez, eta atzoko datuak kontuan hartuta, 400eko tasa horretatik urrun samar daude. Atzo, adibidez, Hondarribian COVID-19agatik positibo bakarra jaso zuten, eta lau Irunen. Honakoak dira tasa horiek Osasun Sailak dituen datuen arabera:
- Irun: 122,91 (hilaren 17an 111,28)
- Hondarribia: 194,30 (hilaren 17an 170,75)
