100.000 bisitatik gora izan ditu Hondarribiko Udalaren webguneak 2020an
Erabiltzaileen laurdenak euskara lehenetsi du. Pandemiarekin lotutako edukiek erakarri dute bisita gehien.
‘www.hondarribia.eus’ webgunearen azala.
Hondarribiko Udalak ezagutarazi duenez, www.hondarribia.eus webguneak 105.408 erabiltzaile izan zituen 2020an. Horietatik 25.100 erabiltzailek euskara lehenetsi zuten izan dira, aurreko urtean baino %12 gehiago.
Maria Serrano Hiritarren Arretarako zinegotziak eman zuen datuen berri ostiralean, eta zabaldu zuenez, COVID-19 gaitzarekin zerikusia duten edukiek erakarri dute bisitari gehien. Hala ere, nabarmendu zuenez, 2019arekin alderatuta %6,5 jaitsi zen erabiltzaile kopurua, eta jaiak egin ez izanarekin lotu zuen hautetsiak beherakada: «Milaka erabiltzaile jasotzen ziren epe konkretu batean, baina zifra horiek jaitsi egin dira».
Bisiten jatorriari dagokionez, Frantzia, Madril eta Donostiako erabiltzaile kopuruak egin du behera izurrian, Serranok jakinarazi zuenez.
