BATeko zazpi kirolari, 23 urte azpikoen Espainiako Txapelketaren bila
Asteburu honetan Valentzian jokatzekoa den lehian ordezkaritza izango du Bidasoa Atletiko Taldeak.
Argazkia: Bidasoa Atletiko Taldea. Asteburu honetan (hilaren 13tik 14ra bitarte) 23 urte azpikoen Espainiako Txapelketa jokatuko dute Valentzian, eta bertan Bidasoa Atletiko Taldeak (BAT) ordezkaritza zabala izango du. Klubeko zazpi kirolari ariko dira, klubak nahi baino gutxiago, izan ere, pandemiagatik partaide kopurua mugatu dute.
Sailkapenean sartu ostean, ondorengo kirolariak lehiatuko dira: Iker Arocena luzera saltoan (rankingean lehen postuan dago, 7.29 metroko markarekin), Malen Orduña pertikako saltoan (rankingean laugarren postuan dago, 3.67 metroko saltoarekin), Goizane Garcia Rapero pisuko jaurtiketan (bere espezialitatea izan ez arren, orain arte marka onak eskuratu ditu; 11.97 metroak gainditzeko helburua du), Eva Queimaño pentatloian (Espainiako txapelduna da egun proba konbinatuetan, eta rankingean bosgarren postuan dago), Adriana de Prado 3000 metroetan (rankingean zazpigarren postuan dago, 9:55.10-eko markarekin), Izaro Irastorza altuerako saltoan (rankingean zortzigarren postuan dago, 1.62 metroko saltoarekin) eta Ana Gomez 200 metroetan (rankingean hamargarren postuan dago, 25.78 segundoko markarekin; finalean sartzea du helburu.
