Hemeretzi positibo atzeman dituzte Bidasoan asteburuan
Ostiraletik igandera bitartean Osakidetzak sei kutsatu berri baieztatu ditu Hondarribian, eta beste hamahiru, Irunen.
Koronabirusaren azken datu ofizialak.
Asteburu osoko koronabirusaren kopuru ofizialak ezagutarazi berri ditu Osasun Sailak gaur eguerdian. Hilaren 18tik 20ra bitartean, hemeretzi kutsatu berri atzeman dituzte osasun zerbitzuek Bidasoan. Sei izan dira denera Hondarribian baieztatutako COVID-19 kasu berriak –bost ostiralean eta bakarra atzo–, eta hamahiru Irunen –lau ostiralean, hiru larunbatean eta sei atzokoan–.
Azken datuen arabera, oinarrizko birsorkuntza tasa %0,64koa da Irunen, eta %1,20koa Hondarribian. 100.000 biztanleko hamalau eguneko tasari erreparatuta, 221,55ean dago Hondarribian, eta 158,60an Irunen.
Gipuzkoan koronabirus kasuak apaltzen ari direla erakusten dute zenbakiek, nahiz eta hamaika udalerri eremu gorrian jarraitzen duten oraindik. Hala, 100.000 biztanleko tasa 311,91n dago uneotan, kutsatzea %0,93ra eramanez.
Bertan kontsulta daiteke Osasun Sailak plazaratutako txostena bere osotasunean.
