Diru faltsua eta estupefazienteak edukitzeagatik gizon bat atxilotu dute
Faltsututako 6.300 euro, 100 gramo haxix eta kokaina poltsa bat atzeman dizkio Ertzainak Hondarribian atxilotutako 45 urteko gizonari.
Atzo atxilotu zuen Ertzaintzak gizona. 
Ertzaintzak jakinarazi duenez, 45 urteko gizon bat atxilotu zuten atzo goizeko 10:00etan, Mendelu eta Amute arteko aparkaleku batean, ustez, estupefazienteak eta diru faltsua edukitzea egotzita. Akusatuak, beti ere Ertzaintzaren arabera, faltsututako 6.300 euro, 100 gramo haxix eta kokaina poltsa bat atzeman zizkioten akusatuari.
Zabaldutako informazioaren arabera, aparkalekuan zegoen gizona identifikatzera joan zirenean haxix zati handi bat ezkutatzen saiatu zen, eta gidariaren ondoko eserlekua zein atea billetez beteta zegoela konturatu ziren.
Ertzaintzak dioenez, «prebentziozko miaketa egin ziotenean, adierazitako 100 gramo haxix horiez gainera, ustez kokaina zen dosi bat, telefono mugikorrak, bi datafono, hirugarren pertsonen kreditu txartelak eta dokumentazioa aurkitu zizkioten». Hala, izapideak amaituta Irungo Guardiako Epaitegiaren esku jarriko dute atxilotua.
