Orain arte osasuna lehenetsi dutela adierazi dute, baina hilaren 21etik aurrera, Irungo pentsiodunen mugimenduaren elkarretaratzeekin bat egingo dutela ezagutarazi dute.
Pentsiodunek protestei helduko diete berriro astelehenetik aurrera, baina Irunen. 
Hondarribiko pentsiodunek hilaren 21etik aurrera Irungo jubilatuen mugimenduak deitutako elkarretaratzeekin bat egingo dutela jakinarazi dute. «Gure eskubideak aldarrikatzen jarraitu behar dugu, komunikabideak eta sare sozialak erabiliz, justizia sozial, unibertsala eta berdintasuna lortzeko», adierazi dute.
Larrialdi egoerak iraun bitartean, osasunari lehentasuna eman dio mugimenduak «astelehenetako elkarretaratzeei baino». Orain, aldiz, hainbat udalerrietan gertatu bezala, inguruko herri edo hiri handiagoetako protestekin bat egingo dute, beti ere, «osasun neurri guztiak ongi betez».
Horrez gain, aurtengo Gabonei begira, ondoko mezua helarazi diete hondarribiarrei: «Ez kutsatu, osasun neurriak ondo bete, eta Gabonetako anormaltasunaren barruan, jai zoriontsuak opa dizkizuegu. Ea 2021ean txertoak normaltasunera eramaten gaituen».
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
