19 lanpostu eskainiko ditu udalak Lanbiderekin elkarlanean
Lanbidek lanpostuak sustatzeko duen programarekin bat doa udalak gaur aurkeztu dituen 19 lanpostuak.
Udalak sortuko dituen 19 lanpostuak zeintzuk diren aurkeztu du Juan Mari Altuna zinegotziak. Lanbidek lanpostuak sustatzeko duen programarekin bat doa udalak gaur aurkeztu dituen 19 lanpostuak.
Prozedurari dagokionez, Juan Mari Altuna pertsonal eta antolamendurako zinegotziak azaldu du Lanbidek programa urria amaiera aldera argitaratu zuela eta ondoren, udala atxiki zela proposamenetara hainbat lan aukera sortzeko planteatuz.
Hiru deialdi ireki dituztela esan du eta horietako bat jada itxita dagoela. Aurreratu du laster esleituko dituztela jada izen eman ezin daitekeen deialdiko lanpostuak, zehazki, arkitekto bat, erdi mailako teknikari bat eta administrari bat.
Beste bi deialdietan izen emateko epea azaroaren 28an amaituko da eta ezinbestekoa da egun langabezian egotea eskaintza hauetan izen emateko, hala azaldu du zinegotziak.
Lanpostu hauek eskainiko dira:
- Itxeki programan 3 lanpostu: Arkitekto bat, erdi mailako teknikari bat eta administrari bat.
- Ingurumena lehengoratzeko programan 14 lanpostu: Erdi mailako teknikari bat, ingurumena lehengoratzeko koordinatzaile bat, ingurumena lehengoratzeko taldearen zortzi arduradun, elektrikari bat eta eginkizun anitzeko brigadetarako hiru langile.
- Gazte enplegurako programa (30 urte baino gutxiago dituztenentzat): Arkitekto bat eta arkitekto tekniko bat.
Lan eskaintza guztiek urtebeteko iraupena daukatela argitu du Altunak, ingurumena lehengoratzeko postuak izan ezik, sei hilabetetako iraupena edukiko du.
