Eskolara gonaz jantzita joan dira gaur, 15 urteko Mikel bilbotarrari babesa adierazteko. Argazki erraldoia atera dute denek patioan.
Argazki erraldoia atera dute patioan. 
Toki Alai BHI-ko ikasle eta irakasleek gonaz janzteagatik kaleratutako Mikel ikasle bilbotarrari babes osoa adierazi diote, gaur ikastetxean bertan egin duten ekintzarekin. Gonaz jantzi dira, bai ikasle eta baita ere irakasle guztiak, alde batetik, Mikeli babesa adierazteko, eta bestetik «generoen kanon eta inposaketetatik at askatasunez » bizitu eta sentitu daitekeela oihukatzeko.
Ikasle bakoitzak tarjetatxo bat jaso du sarreran, Arropak ez dauka generorik. Iraultzara gona eta guzti leloarekin. Ikasgelan aldiz, gaiaren gainean hausnartzeko tartea izan dute.
Patiorako orduan izan da ekintza. Argazki erraldoia ateratzera joan dira irakasleak, baina «bat-batean eta espero gabean» ikasle guztiak txaloka hasi dira, eta argazkira batzeko autua egin dute.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Hiriko euskarazko komunitatearen parte izan nahi dudalako. Bidasoak eta bidasoarrok behar dugulako.
