COVID-19agatik 47 positibo gehiago Irunen
Azken zazpi egunetan 251 izan dira COVID-19agatik gaixotu diren irundarrak. Hondarribian tasak pixka bat behera egin du azken orduetan.
Irunen COVID-19agatik 47 kutsatu gehiago atzeman zituzten atzo, eta sei Hondarribian. Horrek ekarri du Irungo tasa handitu egin dela, eta pixka bat beheragotu Hondarribian. Irunen bereziki larria da egoera: azken zazpi egunetan 251 izan dira birusagatik gaixotu diren irundarrak.
Beheko koadroan, atzoko eta asteazkeneko datuekin, 100.000 biztanleko tasak Irunen nahiz Hondarribian:
- Irun: 839,75 (asteazkenean 813,04).
- Hondarribia: 625,85 (asteazkenean 631,75).
- Gipuzkoa: 1.047,83 (asteazkenean 1.031,38).
Osasun sailak datu horiek eta beste asko eman ditu gaur zabaldu duen txostenean. Beheko estekan klik egin eta oso-osorik lor daiteke.
