Pandemiako infektatu kopuru handiena atzo Irunen, 52 positibo
Zenbaki horiengatik Irungo 100.000 biztanleko tasa nabarmen hazi da. Hondarribian, berriz, pixka bat behera egin du tasa horrek.
![](https://bidasoa.hitza.eus/site/files/2020/10/dya-tenperatura.png)
Martxoan Osasun Saila datuak ematen hasi zenetik, atzokoa da Irunen kasuan positiborik gehien jasotako eguna: 52 gehiago. Hondarribian lau gehiago atzeman dira azken orduetan.
Horrek eragin du Irungo 100.000 biztanleko tasa nabarmen haztea igandetik atzora: 525,89tik, 580,98ra jauzi egin du. Erne: Hondarribian, gutxi bada ere, behera egin du tasa horrek.
Jarraian, Irunen eta Hondarribian azken hamalau egunetan 100.000 biztanleko tasa atzo datuarekin (parentesi artean, igandekoa):
- Hondarribia: 442,82 (igandean 454,63).
- Irun: 580,98 (igandean 525,89).
- Gipuzkoako batezbestekoa: 765,76 (igandean 739,41).
Osasun Sailak datu horiek eta beste asko bilduta dituen txostena zabaldu du gaur. Horren berri izateko, klik egin beheko estekan.