Irun eremu gorrian; Hondarribia, bidean
Hondarribia oraindik ere eremu laranjan dago, baina hurbiltzen ari da gorrira; tasa bertan azken orduetan 454,63an jarri da.
Irun gorriz markatuta azaldu da Osasun Sailaren COVID-19aren gaurko txostenean. Gutxigatik, baina gainditu egin du ostiraletik atzora arte zenbatutako positiboekin 500 kasuen langa; zehazki, 525,89ko tasa du egun. Hondarribia oraindik ere eremu laranjan dago, baina hurbiltzen ari da gorrira; tasa bertan azken orduetan 454,63an jarri da.
Orotara, ostiraletik igande gauerdira COVID-19agatik kutsatutako 133 pertsona zenbatu dituzte Bidasoan. Horietatik kopururik altuena, logikoa biztanleri aldea aintzat hartzen bada, Irunen hauteman dute, 107 (47 ostiralean, 26 larunbatean, eta 34 igandean). Hogeita sei positibo atzeman dituzte Hondarribian ( hamabi ostiralean, sei larunbatean eta zortzi atzo).
Ondoko datuek Irun eta Hondarribian tasak izan duen garapena erakusten dute:
- Irun: 525,89 (ostegunean, 417,37).
- Hondarribia: 454,63 (ostegunean, 336,54).
- Gipuzkoako batez bestekoa: 739,41 (ostegunean, 626,33). Gipuzkoan 30 udalerri daude eremu gorrian.
Osasun Sailaren gaurko txostena osorik, hemen kontsulta daiteke.
