Tasa eta zergak izozteko proposamena eramango du udal gobernuak udalbatzara
Miguel Angel Paez Ogasun ordezkariak azaldu duenez, COVID-19ak eragindako egoera dela eta, ez dute aurreikusi tasa eta zergarik igotzea.
![](https://bidasoa.hitza.eus/site/files/2020/10/tasas-e-impuestos_rueda-de-prensa.jpg)
Irungo udal gobernuak jakinarazi berri duenez, udalbatzara eramango dute tasa eta zergen izozketaren proposamena. Miguel Angel Paez Ogasun ordezkariak azaldu duenez, COVID-19ak eragindako egoera dela eta, ez dute aurreikusi tasa eta zergarik igotzea. «Irundarrei presio fiskala ez igotzeko unea da», esan du ordezkariak.
Hala, proposamen berri honetan %25etik %5oera igoko dute jarduera ekonomikoen gaineko zergaren hobaria. Zentzu honetan, bi hobari erantsi dituzte: %5oerainoko bat edonolako jarduera hasten dutenentzat eta 5 urtez zergak ordaintzen dituztenentzat. Bestalde, %50eko hobaria eskainiko dute kuotan 2020ko emaitzak negatiboak izaten badira.