Garaipenarekin hasi du denboraldia Erroibidek
Defentsa gogorra dutela erakutsi dute 2. Maila Nazionaleko Senior taldeko gizonezkoek. 22-49 irabazi diote Mekalki Aloñamendiri.
Erroibideren asteburuko partidaren une bat. Hilabete luzeren ondoren, lehiara itzuli da Erroibide saskibaloi taldearen 2. Maila Nazionaleko gizonezkoen Senior taldea. Denboraldiko lehen partida irabazi dute asteburuan Oñatin, Mekalki Aloñamendiren aurka (33-49).
Saskiari begira Erroibidekoek ez zuten egun finena izan, baina defentsa gogorra duela erakutsi zuten irundarrek hasieratik. Hamar goleko abantailarekin heldu ziren atsedenaldira. Halere, intentsitatea jaisteak aurkariak gerturatzea ekarri zuen; erasoko hutsek markagailua berdintzea ekarri zuten (27-27). Halere, laugarren laurdenean erraz gainditzea lortu zuten irundarrek, 16 puntuko abantailarekin amaitu zuten partida.
Erroibideren iturrien arabera, «oraindik hobetzeko asko» dagoela uste dute, baina pozik azaldu dira garaipenarekin. Kontuan hartu beharrekoa da aurreko denboraldiko taldearen %50a berritu dutela aurtengo denboraldiari begira, beraz, pixkanaka egituratzen ari direla taldea.
Fitxa teknikoa: Erroibide (49): Valderrama (5); Martínez De Antoñana (4); Echeveste (0); Martínez (12); Merquelanz (4) – Torres (6); Añorga (2); Peña (6); De La Fuente (0); Etxalar (10); Pagola (0)
