PCR probak egingo dituzte Txingudi Institutuan, 23 ikasle eta 4 irakaslek positibo eman ostean
Gaur bertan hasiko dira PCR probekin. DBH 2, 3 eta 4. mailako irakasle eta ikasleen artean egingo dituzte.
Ficoban 350 PCR probatik gora egin behar dituzte gaurko egunean zehar. Osakidetzak PCR test masiboak egingo ditu Irungo Txingudi Ikastolan, bertako 23 ikaslek eta lau irakaslek COVID-19agatik positibo eman ostean. Gaur (hilak 16) bertan hasiko dira testak egiten, DBH 2, 3 eta 4. mailako ikasle eta irakasleen artean zehazki. Institutuan bertan egingo dituzte probak.
Osakidetzako Zaintza eta Kontrol Sareko koordinatzaile Ignacio Garitanoren arabera, behaketa hauek pertsona asintomatikoei begira egingo dituzte, izan ere, positiboa eman dutenekin kontaktu zuzena izan dutenak dagoeneko isolatuta daude. Positiboekin kontakturik izan ez dutenek klaseekin normaltasun osoz jarraitzeko agindua du institutuak.
