[Bideoa] 'Gu gera jendea' Marmokaren azkena sarean ikusgai
John Couger Mellencamp musikariaren 'We are the people' kantan oinarrituta, Martxel Mariskalek Beti Mugan taldearentzako egokitutako abestia bertsionatu du taldeak.
'Gu gera jendea', Marmokaren azken lana. 
Gu gera jendea abestiaren bideoa sarean eskuragarri jarri du Marmoka taldeak. John Cougar Mellencamp musikariaren We are the people kanta mitikoan oinarrituta dago Marmokaren azken lana. Martxel Mariskal idazle eta musikariak Beti Mugan taldearentzat egokitutako bertsioa da.
“Marmokaren azken garroa mugitu dugu, energiaz betetako jauzi bat emanez. Gure inguru zabalean mezu baikorra hedatu nahi dugu, laguntza behar duenari lagunduz, elkartasuna adieraziz eta maitasuna zabalduz”, adierazi dute taldeko kideek.
2020ko urtarrilean Psilocybenea aretoan egindako bertsio gauean grabatutako irudiekin osatu dute azken lana, eta ondokoa da emaitza:
