Udazken eta neguan ikastaro mordoa eskainiko dituzte hiriko kiroldegiek
Udako programan bezalaxe, datozen bi urte sasoietan ere neurri zorrotzak bete beharko dituzte erabiltzaileek Artaleku zein Azken Portun.
Artaleku kiroldegiko igerilekua. Hiriko kiroldegiek dena prest dute udazken zein neguko denboraldietarako. Udako programarekin egin bezalaxe, datozen bi urte sasoietan ere osasun neurri zorrotzak bete beharko dituzte erabiltzaileek.
Orotara, aretoko 103 ikastaro eskainiko dituzte (49 Artalekun eta 54 Azken Portun) eta 1.236 plaza egongo dira (632 Artalekun eta 604 Azken Portun). Horien artean, zumba, aerobic, pilates edo yoga bezalako aurki daitezke.
Igerilekuetan aldiz, 144 ikastaro eskainiko dituzte (75 Artalekun eta 69 Azken Portun).
Izen emateko epea bihar (hilak 15) zabalduko dute, 8:00etatik aurrera ikastaroetan apuntatzeko aukera izango da, esteka honetan.
