Kontsolazio txandan arituko dira Hondarribia, Hibaika eta San Juan Koxtape
Lanera joan dira, onena ematera, eta hala egin dute Oarsoaldeko eta Bidasoko hiru emakumeen traineruek. Ez dute lortu datorren igandeko hitzorduan ohorezko txandan aritzeko txartelik gaur, baina kontsolazio txandan arituko dira.
Bosgarren sailkatu da Hondarribia, eta Kontxako Banderan lehiatzeko txartela lortu du. Lanera joan dira, onena ematera, eta hala egin dute Oarsoaldeko eta Bidasoko hiru emakumeen traineruek. Ez dute lortu datorren igandeko hitzorduan ohorezko txandan aritzeko txartelik gaur, baina kontsolazio txandan arituko dira.
Itsasoa zikin, lanak eman dizkie arraunlariei. Lehenengo txandan aritu dira Eusko Tren Ligan ari den Hondarribia eta ETE Ligan ari diren Batelerak. Hirugarren sailkatu da bere txandan Hondarribia 11:28:60ko denbora eginda. Denbora dezente gehiago behar izan dute sanjuandarrek lanak osatzeko gaurko lehian, 11:51:14ko denbora eginda.
Hibaika bigarren txandan aritu da, sailkapen orokorrean lehen eta bigarren sailkatu diren Orio eta Donostiarrarekin batera. Gogor aritu dira errenteriarrak, eta hirugarren sailkatu dira beren txandan 11:31:52ko denbora eginda.
Sailkapen orokorrean bosgarren izan dira hondarribiarrak, eta ia hiru segundo gehiagorekin seigarren sailkatu dira errenteriarrak. Sanjuandarrak berriz, zortzigarren sailkatu dira.
Datorren asteko estropadan, beraz, bi eskualdetako emakumeen traineruak kontsolazio txandan arituko dira. Gaurkoa lehena izan da, eta datorren astean zer gerta daitekeen jakiterik ez da. Ziurra den bakarra, Hondarribia, Hibaika eta San Juan Koxtapeko emakumeak dena ematera aterako direla da.
Gaurko estropadaren denbora ofizial guztiak, hemen.
