Anaitasunarekin batera entrenatuko da gaur Bidasoa, Iruñean
Denboraldi-aurrea hasi zenetik, eta koronabirusak markatutako entrenamenduak izanik, lehen aldiz ariko da talde irundarra prestaketa lanetan beste talde batekin.
Bidasoaren eta Barcelona eskubaloi taldeen arteko partida, Artalekun. 
Bidasoa eskubaloi taldea Iruñeko Anaitasuna taldearekin batera entrenatuko da gaur arratsaldean, Iruñean (20:00). Entrenamendu berezia izango da gaurkoa Jacobo Cuetara entrenatzailearen arabera, koronabirusak markatutako denboraldi-aurrea hasi zenetik lehen aldiz entrenatuko baitira jokalari irundarrak beste talde bateko jokalariekin batera. «Egindako lana neurtzeko eta zein mailatan gauden jakiteko baliatuko dugu gaurko entrenamendua», adierazi du Cuetarak.
Jokalari guztiak prest daude dagoeneko talde horian, eta horiez gain, iragan hilaren 29an azpiko kategorietako gazteak batu zitzaizkien. Cuetararen arabera, Julen Urruzola (Elgoibarko Sanlo EKT) eta Eneko Furundarena (Usurbil KE) klubaren parte izatera igaro dira. Horiez gain, Tao Gey, Gorka Nieto eta Martin Santano «diziplina horian» jarraitzen dute, eta azkenik, Julen Mujikak (Ereintza) hainbatean entrenatuko dela lehen taldearekin erantsi du entrenatzaileak.
