Umorezko saioa taularatuko du Bocabeats Comedia bikoteak bihar, Junkal plazatxoan
'Kabenzotz, la que hemos liao...' gaztelerazko ikuskizuna ikusteko aukera izango dute interesdunek udako kultur agendaren eskutik.
Bocabeats Comedia bikoteak saioa eskainiko du Irungo Junkal plazatxoan. 
Bocabeats Comedia bikoteak Kabenzotz, la que hemos liao… umorezko saioa taularatuko du bihar ostegunarekin, Junkal plazatxoan, 20:00etatik aurrera. Gazteleraz izango da ikuskizuna, Espainiako hamaika agertokietan emanaldiak eskaintzeko esperientzia duen bikotearen eskutik.
Saioa debalde den arren, ikuskizuna hasi baino 50 minutu lehenago sarrerak jasotzea ezinbestekoa dela gogorarazi du Irungo Udaleko Kultur arloak. Osasun segurtasun neurri guztiak betetzea ere derrigorrezkoa dela adierazi dute antolatzaileek.
