Vila-real futbol taldearen entrenatzaile izango da Unai Emery
Datorren denboraldirako sinatu du Castelloko taldearekin eta aurkezpenean adierazi zuenez, Txapeldunen Ligara itzultzea izango da erronka nagusia.
Unai Emeryk Vila-real gidatuko du datorren denboraldian.
Unai Emery Vila-real futbol taldea entrenatuko du hemendik aurrera. Hala jakinarazi zuen atzo Castelloko (Herrialde Katalanak) klubak aurkezpen ofizialean, eta kontent agertu zen Emery egoera berriarekin. Areago, «mugarik gabe amesteko» unea dela iritzi zion. Tituluren bat irabazteko borrokatzea eta Txapeldunen Ligara itzultzea izango dira erronka nagusiak hemendik aurrera aurkezpenean esan zuenez.
Iragan denboraldian Arsenal FC klubean aritu zen Hondarribiko entrenatzailea, nahiz eta emaitza txarrak medio azkenean klubetik kanpo utzi zuten. Londresko taldeaz gain, Paris Saint-Germain, Sevilla FC, Moskuko Spartak eta beste hainbat talde ezagun gidatu ditu Emeryk 2005etik gaur egun arte.
