I. Balkoi Lehiaketa abian da
Udalerriko balkoiak bizitzaz eta berdez betetzea da antolatzaileen helburua
Arraun Elkarteko banderarekin apaindutako balkoia. Argazkia: Arraunak Gora Arraunak Gora bere lehen balkoi lehiaketa antolatu du Hondarribiko Arroka Berri jatetxearekin batera. Ama Guadalupekoaren traineruaren kolorearekin bat eginda, udalerriko kaleak berdez betetzea da antolatzaileen helburua.
COVID 19-aren ezohiko egoerak udako arraun denboraldian aldaketa nabarmenak ekarri ditu, eta zaleek herrian hainbeste jarraipena duen kirolaz beste modu batean gozatu beharko dute. Herritarrek apaindutako balkoiek hartuko dute protagonismoa aurten.
Jarraian, lehiaketa berri honen oinarriak eta baldintzak:
– Balkoiko argazkia sare sozialetara igo behar da (Twitter, Facebook edo Instagram) #BalkoiakBerdez hastag-a erabilita.
– Arraunak Gora eta Arroka Berri jarraitzaileak izan gutxienez sare sozial batean.
– Argazkia PNG edo JPG formatuan bidali behar da hurrengo posta elektronikora, edo Arraunak Goraren Twitter, Facebook edo Instagram kontuetara mezu pribatu bitartez.
– Kasu guztietan parte-hartzailearen izena eta bi abizenak aipatu behar dira.
– Lanak entregatzeko epea uztailaren 31an amaituko da, 20:00tan.
Sariei dagokionez, balkoirik originalena bi lagunentzako bazkaria edo afaria lortuko du Arroka Berri jatetxean. Bestetik, parte-hartzaile guztien artean 50 euroko erosketa-balio bi zozketatuko dira Arraun Elkartearen dendan eta Endanea Gardenen gastatu ahal izateko.
Arraunak Gora I Balkoi Lehiaketan originaltasuna eta argazkiaren kalitatea baloratuko dira, eta arlo ezberdinetako profesionalek eta indibidualek osatuko dute epaimahaia.
