Martxan dira Jai Nagusietarako argazki eta kartel lehiaketak
Lan guztiak BAZen aurkeztu beharko dira, uztailaren 14ko 13:00ak baino lehen.
Argazki eta kartel lehiaketaren erakusketa. Argazkia: Hondarribiko Udala Aurtengo Jai Nagusietarako kartel eta argazki lehiaketak martxan daudela jakinarazi du Hondarribiko Kultura Departamentuak. Herriko jaien inguruan “azterketa sakona” egiten ari direla jakitera eman du Juan Luis Silanes Kultura zinegotziak. Hala ere, argi utzi nahi izan du edozein erabakia hartuta, horrek ez duela eraginik izango jaietako kartel eta argazki lehiaketan.
Kartelaren lehiaketan edozeinek du parte hartzeko aukera, jarraian agertzen diren baldintzak modu egokian betetzen badituzte:
– Teknika librea da, baina lanak originalak izan behar dira.
– Neurriak: 70×50 zentimetro, bertikalean.
Irabazlearen kartela Jai Nagusietarako kartel ofizialean bihurtuko da, eta 650 euro jasoko ditu. Bigarren sailkatuak 300 euro lortuko ditu, eta hirugarrenak 200 euro.
Kartel lehiaketako xehetasun gehiago jakiteko Hondarribiko webgunera jo, hemen klikatuz.
Argazkiaren lehiaketan ere hainbat baldintza bete beharko dituzte parte hartu nahi dutenek:
– Parte hartzea irekia da.
– Hondarribia kokaleku duten zuri-beltzeko zein kolorezko argazkiak onartuko dira.
– Saritu edo argitaratu gabeko lau ale aurkezteko aukera izango dute parte-hartzaileek.
– Neurriak: 20×30 zentimetro, markorik gabekoak.
Lehen hiru sailkatuek 500, 400 eta 300 euro jasoko dituzte sari moduan, hurrenez hurren.
Argazki lehiaketako xehetasun gehiago jakiteko Hondarribiko webgunera jo, hemen klikatuz.
Lan guztiak aurkezteko lekua BAZ bulegoa izango da, goizeko 9:00etatik eguerdiko 13:00etara. Azken eguna uztailaren 14a izango da.
