Gazteartean zerbitzuak ekitaldi eta jardueraz bete du uztaila
Uztailean zehar gazteei begirako dozenaka ekintza egingo dituzte. Egungo egoerari moldatu dituzte guztiak.
Gazteartean zerbitzuak martxoan antolatutako hip-hop eguna. Gazteartean zerbitzuak udako egitaraua prest du dagoeneko. Uztailean zehar, dozenaka jarduera eta ekitaldiz gozatzeko aukera izango dute hiriko gazteek. Jarduera guztiak egungo egoerari egokituta egingo dituzte, eta udaletik azaldu dutenez, azken orduko aldaketak egon daitezke.
Hamabi bat jarduera eskainiko dituzte uztailean, tartean, Aitzondoko ur jauzira bizikleta buelta, San Martzial-Txingudiko igerilekuetara bisita edo San Martzialera ibilaldia. Guztietan maskara erabiltzea derrigorrezkoa izango dela iragarri du udalak. Era berean, distantzia mantendu beharko dute partaideek, eta une oro desinfektatzeko xaboia eskuragarri izango dute.
Izena emateak webgune honetan egin daitezke, baita ere 690 70 64 71 telefono zenbakira deituta. Informazio eta xehetasun gehiago, esteka honetan.
