Lazkaoko azken eraso matxista gaitzetsi du Bidasoko Asanblada Feministak
Joan den larunbatean izan zen erasoa; Lazkaoko taberna batean hainbat neskek «jazarpena» jasan zuten, «hitzezko abusuak eta begirada lizunak».
A25 2019: SOS Indarkeria matxistaren aurkako mobilizazioa San Pedro kalean. Lazkaoko azken eraso matxista gogor gaitzetsi dute Bidasoko Asanblada Feministako kideek. Joan den larunbatean izan zen erasoa; Lazkaoko taberna batean hainbat neskek «jazarpena» jasan zuten, «hitzezko abusuak eta begirada lizunak». Horrez gain, neska bati ukituak egin zizkiotela salatu dute Lazkaoko feministek.
Erasoen aurrean, honako gogoeta elkarbanatu nahi izan dute Bidasoko Asanblada Feministako kideek: «Behin eta berriz gaitzetsi behar ditugu, tamalez, emakume izate hutsagatik behin eta berriz jasaten ditugun jarrera matxistak. Hemendik babesa eman nahi diegu emakume talde honi eta haien familiei. Ez zaudete bakarrik!».
